巧興麵食店

營業中

休息中

土瓜灣多特色地道小食店，但到了現在.. 因為要到土瓜灣上課才有機會試試該處的食肆。這間店子個位置比較僻，由工聯會沿著馬頭圍道行去要大約二十分鐘，在「學生勞作中心」旁。如果不是該區住客，最好帶定地圖傍身。雖然店子比較細，但勝在夠企理，同埋都幾乾淨。佢餃子有四款，包括韮菜豬肉、芹菜牛肉、三鮮餃、白菜豬肉。一份有十隻，可以叫半份。有煎餃、湯餃同淨餃選擇。叫左一份三鮮餃: 個包夠煙 'un'。包唔算簿，但夠彈牙，可以「包得住」裡面 d 餡同埋 d 肉汁。蝦肉鮮甜，和豬肉的比例恰到好處。不過，個人始終較喜歡韮菜餡，冶味 d。客人可以要求要一碗臘白醋。佢既蒜味比較辛，但蒜頭則唔夠青，所以有時都係要睇彩數。這些較地道的「出品」，在香港地已是難得一見的了。加多左杯豆槳，好濃豆味，值得推介。計埋所有野約 $25，真係幾抵食。不過，礙於地點唔係咁就腳，我諗日後都好少會再去。