霸王川莊 (已結業)

工作壓力有點大，即刻約埋幾個好辣嘅同伴黎滿足一下心癮，同解下壓，近近地去咗元朗Yoho Mall 嘅依間霸王山莊，裝修以黑紅為主，仲有一邊望住元朗大馬路嘅位，擺設都幾有時尚感。叫咗個水煮魚同雞絲粉皮，佢個水煮魚可以自己再揀配菜，我地就叫咗個嗜辣必備嘅薯粉同金菇，仲叫咗個午餐肉同牛栢葉，就算只係叫例牌，份量都唔少，夠晒飽，過足癮。另外加咗個雞絲粉皮，依個就正正常常啦，冇咩特別。最令人印象深刻嘅係佢個八寶茶，甜甜哋又有陣菊花嘅香味，既解辣又解渴。