影片
更多
2023-03-25
158 瀏覽
香港嘅泰國菜越開越多，好似呢間小店咁，佢都係坊間比較少見嘅泰國菜式，老闆之前喺泰國嗰邊讀書，對於正宗嘅泰國菜頗有研究，決定將泰國嘅風味帶返嚟香港！餐廳環境比較似Bar，有吧枱同埋卡位可以揀，仲有一啲塗鴉風格啲嘅牆畫、磚牆同埋民族風地磚，另有一番風味～店員都值得一讚，佢會好熱情咁過嚟同你介紹唔同嘅菜式，佢仲有好多隱藏菜式唔喺Menu上面，記得要問下！今次叫兩款主食都係隱藏Menu，又幾有驚喜！😳------------------------------🦐◖老媽手打蝦餅◗ $88有三大嚿蝦餅，每個都圓轆轆肥嘟嘟咁，啖啖蝦肉，但略嫌佢粉漿溝得有啲多，整體食落唔太夠鮮甜彈牙呢～ 🍜◖泰沾麵◗ $108呢間舖頭叫得泰沾麵，點可以唔試吓佢嘅泰沾麵！🤣平時日式沾麵食得多，泰式嘅真係未試過！佢有兩款底可以揀，分別係魚蓉紅咖喱同埋雞肉青咖喱，兩款咖喱都有魚蛋，今次試咗佢個紅咖喱先～佢個沾麵湯同麵分開上，食之前將個湯倒落碗麵到，再撈埋伴碟嘅椰菜同芽菜，味道偏辣🌶️，好濃嘅香茅香辛料嘅味道，幾特別刺激！🐟◖泰式香葉焗烏頭◗ $268條烏頭勁大條，真係啖啖肉，魚肚塞滿香葉、香茅等等嘅香料，一啲都唔腥！燒完之後
店員都值得一讚，佢會好熱情咁過嚟同你介紹唔同嘅菜式，佢仲有好多隱藏菜式唔喺Menu上面，記得要問下！今次叫兩款主食都係隱藏Menu，又幾有驚喜！😳
------------------------------
🦐◖老媽手打蝦餅◗ $88
有三大嚿蝦餅，每個都圓轆轆肥嘟嘟咁，啖啖蝦肉，但略嫌佢粉漿溝得有啲多，整體食落唔太夠鮮甜彈牙呢～
🍜◖泰沾麵◗ $108
呢間舖頭叫得泰沾麵，點可以唔試吓佢嘅泰沾麵！🤣平時日式沾麵食得多，泰式嘅真係未試過！佢有兩款底可以揀，分別係魚蓉紅咖喱同埋雞肉青咖喱，兩款咖喱都有魚蛋，今次試咗佢個紅咖喱先～佢個沾麵湯同麵分開上，食之前將個湯倒落碗麵到，再撈埋伴碟嘅椰菜同芽菜，味道偏辣🌶️，好濃嘅香茅香辛料嘅味道，幾特別刺激！
🐟◖泰式香葉焗烏頭◗ $268
條烏頭勁大條，真係啖啖肉，魚肚塞滿香葉、香茅等等嘅香料，一啲都唔腥！燒完之後原條魚上，有外皮蓋住保溫效果一流！魚肉燒到啱啱好，本身已經好juicy嫩滑，好香嘅香茅味，配埋酸辣汁，洋蔥粒、青檸粒、辣椒粒、薑粒同埋生菜，嚟個生菜包魚肉，酸酸辣辣，口感又豐富，充滿泰國風味！
🍧◖芒果熱情果沙冰◗ $55
一嚟到已經多到滿瀉咁滯，酸酸甜甜咁，芒果嘅甜同熱情果嘅酸互相中和返，好開胃！冰沙打得好綿滑，仲食到粒粒嘅果肉，足料解渴又解辣，推薦！
🌟Encore指數：9/10
張貼
