影片
更多
2018-08-29
267 瀏覽
今次黎到九龍城食泰國野，係睇到一個post介紹，話連泰國領仕人員都推介既泰國船河而慕名而來。呢間餐廳逢星期一至五，都有一款菜式特價，嗰日係星期四去，叫左特價58蚊既燒雞半隻。另外，叫左飛天通菜同冬陰功湯(有分大，中，細份)，當然唔少得仲有泰國船河。先講泰國船河，絕對無令我失望。湯底味道同喺曼谷差唔多，配料有豬肉，肉丸，通菜同芽菜。肉丸幾彈牙，而河粉係粗身河粉，好地道既味道。冬陰功湯叫左細份，有一隻大蝦，幾鮮味，而湯唔太辣，岩晒口味。而燒雞配左泰式辣醬，其實燒雞本身有調味，就算唔點辣醬已好入味。平時食到既燒雞會燒到肉質好乾同“鞋”，但今次食既肉質仲好幼滑。半隻燒雞份量都幾多，最後食到太飽，食淨左幾舊要打包。下次會再黎試埋燒豬頸肉，生菜包，同咖哩蟹~~
呢間餐廳逢星期一至五，都有一款菜式特價，嗰日係星期四去，叫左特價58蚊既燒雞半隻。另外，叫左飛天通菜同冬陰功湯(有分大，中，細份)，當然唔少得仲有泰國船河。
先講泰國船河，絕對無令我失望。湯底味道同喺曼谷差唔多，配料有豬肉，肉丸，通菜同芽菜。肉丸幾彈牙，而河粉係粗身河粉，好地道既味道。冬陰功湯叫左細份，有一隻大蝦，幾鮮味，而湯唔太辣，岩晒口味。而燒雞配左泰式辣醬，其實燒雞本身有調味，就算唔點辣醬已好入味。平時食到既燒雞會燒到肉質好乾同“鞋”，但今次食既肉質仲好幼滑。半隻燒雞份量都幾多，最後食到太飽，食淨左幾舊要打包。下次會再黎試埋燒豬頸肉，生菜包，同咖哩蟹~~
張貼
