金玉滿堂

營業中

休息中

餐廳位於花園街嘅一條內街當中，位置方便易搵，收工約埋一大班同事過嚟食又得，約埋朋友敘舊亦得！🤪經典大排檔款式，各種特色小菜應有盡有~七味炸豆腐呢碟小食係好多人推介，完美地詮釋何謂「外脆內軟」，炸蒜令佢更加邪惡😈老壇酸菜魚(小)酸味夠、辣味唔會過咗火😃呢份雖然係細份，但份量夠晒兩個人食有凸！碟上刻有中國馳名酸菜魚名店嘅口號「酸菜比魚好吃」，果然係還原晒中國風味！🤣欖角冰梅骨冰梅骨一定要出去大排檔食先夠風味😏酸酸甜甜，一字骨半肥瘦夠靚，炸得好香口🤩金銀蛋娃娃菜前面嘅餸菜太邪惡，最後叫返個菜平衡下，最愛金銀蛋系列😜