永年士多 (寶城洋樓)

營業中

休息中

永年士多車仔麵聽過好多次，但一直無機會食，今次入開元朗搵朋友就試下佢哋嘅車仔麵。.食車仔麵最緊要多餸揀，永年就有多達40款餸任你配搭。我就最鍾意食車仔麵嘅經典 - 豬腸、豬紅、豬皮、蘿蔔，所以叫咗四寶麵配招牌咖啡辣醬 - 細辣配油麵。細辣已經夠辣味，雖然食到流鼻水但真係好過癮，呢個亦係食辣嘅樂趣😆.全部餸都整到好入味，唔會過淋，不過蘿蔔偏甜。豬腸處理得好好，唔會有豬騷味，肥膏唔會過多。每個餸嘅份量都多，蘿蔔都有四大嚿，所以食完一碗都飽。