利星火鍋海鮮小炒

營業中

休息中

地道小炒，多款經典粵菜即叫即炒，鑊氣好足，而且服務態度好。✨鐵板火焰蟶子王打卡必點菜式！以鐵板上，先以豉椒炒香蟶子上，上菜時再加上酒再點火，儀式感一流。蟶子好彈牙，而且仲有好濃嘅豉椒同酒香，超級惹味！✨黃金棒棒蝦一碟八隻，串串蝦棒炸到好香脆，外層蘸滿鹹香鹹蛋黃醬，食唔停口～✨海皇一品菜可以選擇菠菜或加錢要豆苗～我梗係揀後者！望到呢座豆苗山真心幸福！面頭仲有好多蟹籽，增添鮮味。✨胡椒味菜大蜆煲份量好足，啲蜆好似食極都有。蜆洗得好乾淨，無沙～重點係胡椒味夠濃，好味！食完暖笠笠～