+886 台味飯桌仔 (已結業)

+886 台味飯桌仔 • 大圍今日就嚟試吓呢一間大圍嘅台灣菜餐廳，餐廳嘅菜單有種普通平民台灣便當小店嘅感覺，簡簡單單亦有台灣菜特色，例如麻油雞湯、奮起排骨便當等。今日體驗唔錯，店員殷勤有禮，推介俾大家。✅ 清燉牛肉麵 🐮牛肉採用牛腱，牛腱炆得軟稔，大少少滷香嘅味道，湯底個人覺得幾濃，相比起清燉煮法，我覺得更像有加入各種香料熬成嘅湯底，面採用刀削麵，有嚼勁，唔錯😙✅ 招牌滷肉飯 🐷滷肉醬鹹香惹味，呢間小店嘅做法係將肉碎切得更碎，而且油蔥份量比較多，送飯一流。👍🏼✅ 麻油雞湯&黑蒜油杏鮑菇雞湯 🥘呢兩款湯都係俾我嘅感覺清而不濃，但飲得出用料實在，尤其是黑蒜油湯，淡淡蒜油味增加湯嘅餘韻，就是家常湯的味道😗✅ 醬香豬耳朵&牛蒡絲 🐷呢2道小菜可以以優惠價追加。豬耳朵軟稔，加入辣醬拌勻，味道又頗辣的。