一起食堂 (軒尼詩道)

營業中

休息中

一起食堂灣仔軒尼詩道153號一起食堂係一間以台灣料理為主的餐廳，裝修雅緻，價錢非常親民，上次食完之後，對佢念念不忘，於是再來試試！⭐️三寶牛肉麵，份量好足，湯底十分濃郁，烏龍麵質似烏冬，煙煙韌韌，有牛𦟌、牛肋條同埋貢丸，牛𦟌和牛肋條炆得好軟淋，入味又好食，而貢丸彈牙爽口有肉汁，再加上淋甜的蘿蔔，胃口大增。⭐️滷水拼盤，有牛𦟌、豬耳、滷蛋同雞翼，全部都滷至均勻入味，入口好嫩滑，豬耳爽脆，好有口感。上面灑些芝麻同蔥花，配白飯一流。⭐️貢丸湯 ，大大粒，爽口彈牙，湯底好好味。⭐️最後係甜品黃金芋泥球，將流心的奶黃餡，放入綿滑的芋泥中，再炸成金黃色，香口又惹味，甜度啱啱好，十分出色！為這一餐晝上完美的句號。