丼吉日式吉列豬排專門店 (The ONE)

營業中

休息中

永遠都大排長龍既炸豬排店，我記得第一次係食已經係十年前佢仲係廣東道地鋪分店個陣。當時年紀小，吃一口…嗚哇…我以前吃過的炸豬排，原來都只不過是炸紙皮…近年蔡瀾先生介紹過後，佢既人氣更加爆燈，要食就更加難…上個月咁岩經過the One，又咁岩六點幾比較早，就forever alone咁樣一條友入左去。對自己好d，梗係叫個鹿兒島豬排定食。皮薄脆、多肉汁、肉味濃等等既評語，唔駛睇呢篇食評大家都應該好熟識，而我想講既係佢同普通版既分別。我食過兩次鹿兒島，N次普通版，感覺上鹿兒島版最大既分別係肉質。普通版既肉比較瘦，油份都比較少，而鹿兒島版就比較多脂肪，食落口感較滑。好難話邊個好食過邊個，因為兩款炸豬排口感好唔同。不過如果你同我友人一樣唔好脂肪既話就唔建議叫鹿兒島版，你未必會太接受到。