葡匯咪走雞葡國餐廳 (已結業)

今晚我地一家三口可以去到尖沙咀一間葡國餐廳食到正宗的葡國菜😍價錢合理，味道非常滿意，員工服務非常有禮。我地今晚點左幾款菜式，炸馬介休球，乳豬1/4份量跟飯，傳統豬腩蜆煲，磨菇忌廉湯跟包，3件葡撻，叫左一壼葡萄牙花草茶。首先炸馬介休球，外型細少，外脆內軟，魚味重但不會腥。我地都食到要追加一份🤣即係食左2份。乳豬1/4份量跟飯呢款菜式非常吸引，無論賣相同味道都吸引到客人去品嚐，乳豬皮脆肉嫩，味道不會咸。傳統豬腩蜆煲係餐廳的新菜式其中一款，豬腩同薯仔炆到好冧，蜆好滑，汁有少少辣味，味道非常惹味👍😋直得推薦。磨菇忌廉湯好濃郁，配包係唔錯既配搭😋至於包外脆內軟。葡撻平時去澳門都會食到，其實係好普通既小食味道大部份都好甜，但呢間餐廳既葡撻味道酥皮非常鬆脆，不會太甜，值得品嚐👍👍。。。。