影片
更多
2013-01-10
59 瀏覽
沙田友吹雞試菜, 話盛記好出名下的, 食前未得閒check openrice 睇下間野有咩料子。去到瀝源平台問左好多街坊先搵到個入口。但係個入口已經有別有洞天既感覺。入到去d裝修熟口熟面, 返到黎check 先記得佢係情義麵店, 每月有一日會請公公婆婆食麵, 係啦, 係高質數電視節目”飲食男女”睇過佢。而且友人話lee 度係集合街坊力量先抵抗到”令會”收鋪! 屋村大既我已經對佢有多一份情意結!雖然身處屋村, 但我覺得lee 餐係食埋個環境的! 佢掛左有好多市民既手作仔, 一燈一畫都好有feel, 而且lee度好多書俾食客睇, 你借返屋企睇亦得! 總之好有文化氣息! 而且佢d枱枱櫈櫈都好大張, 坐得好舒服, 一大班人暢飲闊論非常自在。到野食啦, 叫左個冬瓜湯底, 佢有桂圓肉, 有紅棗, 初初食就清清地, 但加左配料打打下個湯開始甜, 好味~ 非常出色的有: 蝦丸($58/9粒) x 2 round: 蝦丸做得好既地方唔多, lee 度既蝦丸好好味, 有加馬蹄, 蝦肉好爽! 韮菜餃($42/6隻) x 2 round: 以為平凡既韮菜餃卻不平凡, 韮菜好香, 而且口感好好。肥鵝腸($55
雖然身處屋村, 但我覺得lee 餐係食埋個環境的! 佢掛左有好多市民既手作仔, 一燈一畫都好有feel, 而且lee度好多書俾食客睇, 你借返屋企睇亦得! 總之好有文化氣息! 而且佢d枱枱櫈櫈都好大張, 坐得好舒服, 一大班人暢飲闊論非常自在。
到野食啦, 叫左個冬瓜湯底, 佢有桂圓肉, 有紅棗, 初初食就清清地, 但加左配料打打下個湯開始甜, 好味~ 非常出色的有:
蝦丸($58/9粒) x 2 round: 蝦丸做得好既地方唔多, lee 度既蝦丸好好味, 有加馬蹄, 蝦肉好爽!
韮菜餃($42/6隻) x 2 round: 以為平凡既韮菜餃卻不平凡, 韮菜好香, 而且口感好好。
肥鵝腸($55) x 2 round: 友人們一邊話肥又一邊清碟, 又話爽又有油香, 而且encore了… 應該好正吧~
生麵 ($22) x 2 round: 本來想叫薯粉但賣哂, 見佢日頭係麵家, 就轉了生麵試試, 點知一試就欲罷不能, d麵好有蛋香! 質地亦好好, 唔會碌耐左就林哂變糊口。尾聲飽飽都要encore 呀!!
腐皮卷($34): 我知而家好興, 但其實我好怕食響鈴的, 因為有d做到有陣隔夜油味。但見友人碌埋俾我就試試, 一試.. 不得了! 好好味! 好香好新鮮唔肥膩! 其實我想encore 的, 但怕肥..而且一碟九件, 費事食唔哂。
脆鯇腩($58): 又係想encore 的, 但一早就賣哂, 想要都無呀, 結果叔叔推介左鱆紅魚刺身..
鱆紅魚刺身: 估唔到有lee d 野食, 個刺身好靚好新鮮!
仲有叫左: 手打墨丸, 蠔仔餃, 冰豆腐, 金姑, 黃帝菜, 鮮魚卜, 手切牛, 竹笙, 黑柏頁, 魚唇以上的都唔係唔好食, 只係唔係話好特別。 而且佢d料全部都好新鮮同乾淨的! 我地6條友係碟碟清的!!
仲有.. lee 度算多啤酒俾你揀! 我地黎左個beer tasting~~
題外話/補充資料：
價錢唔係話好平, 但佢d野真係用心同俾足料你! 好似碟金姑, 佢既分量係出面既一倍! 而且侍應叔叔好nice!!!
(以上食評乃用戶個人意見 , 並不代表OpenRice之觀點。)
張貼
