蟹仙海鮮蒸氣石碢

營業中

休息中

今年，是一個不再一樣的生日，原本只想和朋友們平平靜靜地在我最喜歡嘅寧靜海邊過，但係世事永遠是奇妙的，所有嘢因為我哋揀咗一間喺油塘/鯉魚門海邊嘅蟹仙海鮮蒸氣石鍋做晚餐地點，變得不一樣。喺油塘海邊呢間分店環境優美，闊落舒適，望住一片海景品嚐佢哋嘅優質海鮮，心情更加輕鬆。店內所有海鮮都非常新鮮，大細龍蝦、琵琶蝦、鮑魚、牡丹蝦、手臂咁長嘅瀨尿蝦、蠔、野生青口等等，都鮮甜味美，特別係有型店長May姐專業介紹更令我哋品嚐到每款海鮮各自不一樣嘅味道。May姐就好似大家長，喺全晚忙碌嘅工作下，都會適時留意到我哋嘅需要，更連同老闆一起安排不同驚喜，都令我哋感覺溫暖窩心。再加埋幫我哋蒸煮嘅店員哥哥細心服務，只想到用“賓至如歸”去形容。感恩可以和朋友們，一起在我最喜歡嘅平靜寫意海邊，品嚐鮮味，細嚼人情味，渡過這個不一樣的生日。