在家居酒屋 (已結業)

位於大圍嘅日式居酒屋🏮，喺顯徑站落，過咗馬路一直行大概7分鐘就到。地方幾闊落同乾淨，舖頭有兩個鋪位，所以都算容易搵位👍🏻 餐廳以灰、黑同白色裝修為主，配木色嘅枱櫈，幾鍾意聽佢播嘅純音樂。今次食咗佢哋全新推出嘅「自分壽喜燒套餐」，食之前店員清晰咁介紹食法🙌🏻.「自分壽喜燒套餐」自：一個人分：自己🍱每份鍋物配：蔬菜盛合、日本讚岐烏冬及日本蛋《美國安格斯牛頸脊》🥩 $198即牛頸至牛膊之間嘅位置，每隻牛淨係有大概2kg嘅頸脊肉，肉質偏瘦但有彈性。呢碟牛頸脊嘅花紋分布均勻，食落去肉味濃厚同鮮嫩。點埋日本蛋汁，增加肉嘅甜味。《特選五花豚肉》🥓 $148好吸引嘅豬腩肉😍 肉味香濃又多汁，而且嫩滑幾Q彈！配《火鍋配料》🥬🧅🥚食完啲肉之後再食蔬菜，有旺財、冬菇，雞髀菇片、金菇、秋葵、南瓜片、洋蔥片，越食越多咁，好豐富～ 啲蔬果都好新鮮，而切出嚟嘅 size 都好方便拎黎煮。另外仲有個日本讚岐烏冬😋，夠晒彈牙。《巨鋒提子汽水》🥤🍇甜到啱啱好.⭐️仲有其他餐廳推薦嘅食物：牛腸鍋、燒雞心串、牛舌心串