遙

營業中

休息中

平日只會搭車經過土瓜灣，今日就因為幫朋友慶祝生日，所以有機會就朋友去土瓜灣食晚飯。揀左一間日本餐廳，貪佢坐得舒服，而且價錢又唔算貴。我地一開始就叫左一份壽司拼盤，每種壽司都有一件，咩款式都可以試下咁。感覺呢度嘅壽司好特別，因為出面食開嘅壽司，舊飯都係好大舊，上面塊魚生唔可以完全遮到舊飯，但呢度明顯地塊魚生係大過舊飯。燒粟米串好甜，我地最尾想叫左一份，可惜佢太好賣，已經賣完...雞翼我地叫左2款，一款係串燒雞翼，燒得好香；另一款就係燒明太子雞翼，雞翼入面釀左明太子，而且釀到成隻雞翼脹谷谷咁，咬落去成口都係明太子，好有口感。我地叫左冷豆腐、墨魚咀、火焰牛肉串，用黎送波子氣水☺冷豆腐加左麻醬，非常美味～鍾意食墨魚咀多過雞軟骨，口感實有好太多～火焰牛肉串，串如其名，真係會着火，上台嘅時候，店員會點着佢，等佢燒一陣先食，好好味～令我地意想不到嘅係鵝肝帶子炒飯，炒飯入面真係有好多帶子粒，一啖飯入面有滿口嘅帶子肉粒，口感一流，而且仲可以伴埋鵝肝一齊食，一陣我地就食哂成碟清哂😋最後叫左燒飯團，三角形飯團，好可愛。