品記鮮粉人家私房菜館

營業中

休息中

琴日落堂之後，喺土瓜灣搵嘢食， search下見到呢一間嘢最近好似好多人食，即刻去試吓🤣🤣見到佢除咗火鍋之外，仲有小菜👍🏻我哋叫咗雞煲，麻辣鮮香之餘風味十足，個人認為呢個份量屬於比較大份，兩個女仔應該食唔晒🤣雞件嫩滑，吸晒啲湯汁非常入味！另外，我哋仲叫咗麻辣豬耳，爽口得來唔會硬骨骨，平時食唔到豬耳既朋友仔都推介試吓！涼拌木耳亦都唔錯，有啲陳醋嘅味道好開胃！除此之外，我哋覺得響鈴係必點，鮮炸響鈴就咁食都非常好味，點埋個湯底真係不得了。