影片
更多
2024-08-08
1380 瀏覽
話說前一個星期五晚去咗土瓜灣下鄉道一間名叫雲南一線食小籠包同擔擔麵，食到一肚火，食物水準差又亂計錢，於是想話去八方小籠包回味吓佢地嘅小籠包，一到埗..... 唉..... 可惜..... 原來已轉手!嗚嗚嗚嗚..... 佢地嘅碗仔翅用料足! 邊到仲有足料碗仔翅喲!行去八方小籠包途中，見到哩間新開嘅意蠔屋，Menu 上竟然有生蠔供應! 土瓜灣哩區唔多餐廳有蠔供應，而且係哩D老區舊樓林立嘅地方售賣生蠔係一個勇敢嘗試!記然想去八方但又消失咗，咁就推門入去會一會哩間意蠔屋，睇吓水準如何如何!點咗紅白二湯，忌廉汁煙三文魚蘑菇天使麵，黑椒汁板燒黑椒牛肉眼扒，蒜茸焗生蠔2隻.優點:1, 忌廉湯同羅宋湯味道濃郁，唔係D低質水汪汪劣湯.2, 土瓜灣哩區西餐廳不少，但有天使麵，螺絲粉同長通粉同時提供嘅餐廳係零 (可能我未發現，有的話煩請通知!)，單憑哩點意蠔屋已經加分! 再加上沾上忌廉汁配天使麵惹味，份量亦無偷工減料，價錢又唔太貴，足以令我會再嚟幫襯.3, 上次食扒又係食到一肚火! 果間太子金翠果份所謂雜扒偷工減料又貴又水準差! 簡直臘鴨! 眼前嘅肉眼扒，無塊熱辣辣鐵板都好過佢，價錢又係金翠一半，牛扒口感
嗚嗚嗚嗚..... 佢地嘅碗仔翅用料足! 邊到仲有足料碗仔翅喲!
行去八方小籠包途中，見到哩間新開嘅意蠔屋，Menu 上竟然有生蠔供應! 土瓜灣哩區唔多餐廳有蠔供應，而且係哩D老區舊樓林立嘅地方售賣生蠔係一個勇敢嘗試!
記然想去八方但又消失咗，咁就推門入去會一會哩間意蠔屋，睇吓水準如何如何!
點咗紅白二湯，忌廉汁煙三文魚蘑菇天使麵，黑椒汁板燒黑椒牛肉眼扒，蒜茸焗生蠔2隻.
優點:
1, 忌廉湯同羅宋湯味道濃郁，唔係D低質水汪汪劣湯.
2, 土瓜灣哩區西餐廳不少，但有天使麵，螺絲粉同長通粉同時提供嘅餐廳係零 (可能我未發現，有的話煩請通知!)，單憑哩點意蠔屋已經加分! 再加上沾上忌廉汁配天使麵惹味，份量亦無偷工減料，價錢又唔太貴，足以令我會再嚟幫襯.
3, 上次食扒又係食到一肚火! 果間太子金翠果份所謂雜扒偷工減料又貴又水準差! 簡直臘鴨! 眼前嘅肉眼扒，無塊熱辣辣鐵板都好過佢，價錢又係金翠一半，牛扒口感鬆軟，切大舊D放入口都唔會話韌，黑椒汁有少少黑椒味少少辣少少甜，唔係一味黑椒味，夾自己口味，金翠即時被比下去，
永不超生.
4, 蒜茸蠔鮮嫩，生蠔上放上點油令入口更嫩滑! 推介!
5, 冷氣足!
缺點:
1, 門口無位泊車.
2, 唔近地鐵交通唔太方便.
3, 晚巿D服務先會好D咩? 何解晚巿要俾加一?
4, 餐湯份量不足.
5, 天使麵嘅忌廉汁同蘑菇份量同樣不足，QR Code 落單，要求多汁又無得選，所以唔太欣賞 QR CODE 落單.
6, 店舖環境唔係好大，所以座位有限.
八方小籠包嘅碗仔翅，雖然份量唔多，但入面真係有魚翅㗎! 如果有街坊網民知道新店地址麻煩留個言啦!
張貼
