影片
更多
2022-09-08
126 瀏覽
今日喺土瓜灣早咗收工，同啲同事嚟到呢間品記鮮粉人家食晚飯。檸檬豬手：豬手炆得好腍好入味，骨肉好易分離，食嘅時候好方便。味道酸酸甜甜，有檸檬嘅清新，非常之醒胃。古法羊腩煲：呢度嘅羊腩煲大大煲，羊肉大大件，啖啖肉，用咗秘製醬汁加上古法炆煮，夠哂軟腍，又夠入味，加埋其他配料好似枝竹、馬蹄、蔥段等，味道變得更加豐富。即炸響鈴卷：響鈴卷係即點即炸，新鮮熱辣辣，脆卜卜，可以加入埋羊腩煲一齊食，吸哂羊腩煲嘅精華湯汁，更加滋味。黑豚肉：豚肉嘅肉色鮮紅，肉同脂肪比例均勻，切得夠哂薄身，所以唔需要灼太耐，口感嫩滑，好有豬味。紅糖糍粑：糍粑口感煙韌Q彈，表面裹住紅糖，甜度適中，可以有效減少整餐飯所帶嘅油膩感。呢度19:30前仲有88折，所以勁抵食。下次再過嚟食仲可以用whatsapp訂埋檯。
今日喺土瓜灣早咗收工，同啲同事嚟到呢間品記鮮粉人家食晚飯。
檸檬豬手：豬手炆得好腍好入味，骨肉好易分離，食嘅時候好方便。味道酸酸甜甜，有檸檬嘅清新，非常之醒胃。
古法羊腩煲：呢度嘅羊腩煲大大煲，羊肉大大件，啖啖肉，用咗秘製醬汁加上古法炆煮，夠哂軟腍，又夠入味，加埋其他配料好似枝竹、馬蹄、蔥段等，味道變得更加豐富。
即炸響鈴卷：響鈴卷係即點即炸，新鮮熱辣辣，脆卜卜，可以加入埋羊腩煲一齊食，吸哂羊腩煲嘅精華湯汁，更加滋味。
黑豚肉：豚肉嘅肉色鮮紅，肉同脂肪比例均勻，切得夠哂薄身，所以唔需要灼太耐，口感嫩滑，好有豬味。
紅糖糍粑：糍粑口感煙韌Q彈，表面裹住紅糖，甜度適中，可以有效減少整餐飯所帶嘅油膩感。
呢度19:30前仲有88折，所以勁抵食。下次再過嚟食仲可以用whatsapp訂埋檯。
張貼
