Nonsense

前排同朋友去土瓜灣食飯，經過依間餐廳好有氣氛，再睇一睇menu，原來係食fusion 菜，餐廳新開無耐都有唔少食客幫襯，所以決定同朋友搵日黎食晚飯。餐廳環境都幾有格調，燈光昏暗，好岩一邊食野一邊飲酒傾計！食物幾多元化，除左日式、西式外，仲有東南亞菜。避風塘日本小茄子日本小茄子外形幾得意，細細粒，一口一粒，而且好甜淋，連個茄子頭都可以食埋，再加上大量炸蒜，有脆脆既口感，而且少少辣，幾野味！黑毛豬肋肉日式煲仔飯豬肋肉肥瘦適中，肉質爽口，醬汁有啲似鰻魚汁，再加上粒粒分明珍珠米，唔經唔覺會食多左好多飯！燒澳洲和牛封門柳之前打邊爐試過封門柳後就從此愛上了，原來除左打邊爐之外，燒都好好食！封門柳係牛橫隔膜肌肉，每隻牛只有一條，好罕有。牛肉燒得恰到好處，中間有啲粉嫩色，雖然脂肪較少，但肉質細嫩，肉味香濃，好味！Smoky high ball依款cocktail 係用whisky, vanilla 做底，最特別係用蘋果木做煙燻效果，飲落煙燻味幾濃，酒量淺既我要加好多soda water 先飲到成杯。