KAKU (已結業)

平時好日都唔去一次土瓜灣嘅我，前日因為去探朋友先發掘咗呢間位於啟岸嘅日系西餐，網上介紹佢哋係用前米之蓮法國廚師嘅團隊，大有來頭👀 試咗佢個lunch set，嘢食性價比都幾高，而且環境裝修都幾骨緻，好啱同閨蜜或伴侶嚟食傾吓偈😌我哋見有枱食緊呢個勁打卡able嘅前菜，好吸引所以都嗌咗🤭 佢係由好幾塊油甘魚刺身卷成一朵花而成，面頭仲有啲檸檬爆爆珠，成個口感好豐富，而且酸酸哋仲可以解到油甘魚嘅油膩感添！我哋跟住嗌咗啲set係包餐包、湯同沙律嘅。沙律新鮮，加咗唔少藜麥，幾健康；而湯係甘荀湯，幾濃郁；而最好味都係個包😋 用上芝士餐包，勁香芝士味，新鮮出爐熱辣辣，好鬆軟👍🏻 再配上餐廳自加製嘅海苔牛油，超級夾呀😆成塊肉眼扒大過我塊面🤓 我哋嗌咗medium，除咗少少筋位，幾乎成塊扒都好軟腍，煎得剛好，仲有唔少肉汁！而且烤雜菜份量都唔少，有薯仔、秋葵、雞髀菇等，種類都幾多🤪另外，仲嗌咗個龍蝦汁意粉，意粉煮得好彈牙，龍蝦汁好濃郁，撈咗大量櫻花蝦，令到每一啖都好有口感😋 而虎蝦輕輕烤過，食落有炭香味，而肉質彈牙，很不錯👍🏻而最後一個main係烤鱸魚，鱸魚外皮烤得幾香脆，海魚肉質較結實，點上龍蝦汁鮮味大增