影片
更多
2023-04-04
1152 瀏覽
【土瓜灣必食花甲粉/懷舊中式糖水 - 茜麵&甘露糖水🔥 】🤑合計人均：$40 - 80土瓜灣舊區要重建，係香港住咁耐真係未去過。撞正落大雨，但都食到2間超想試既餐廳，真係好幸福! 下次一定會再去行埋牛棚試埋其他正野😋🏠環境 ： 環境都係小店，都好乾淨企理。🍳食物： 茜麵(西口西麵)第一次食去到問係未有堂食，原來係隔離鋪拉開門就係，裡面係小學課室格局，老闆娘勁nice，俾咗order紙我地點餐後問我地姓咩寫返落order紙，下次去可以寫小學雞，好有俾miss叫名既feel🤣 呢到上菜都係用外賣餐具同碗，食完自己拎出門口個垃圾桶，都明人手有限要方便快捷。💥花雕雞扒湯配薯粉 $40 (8/10)湯濃薯粉彈牙，最正係雞扒處理成一細舊，一啖食得哂，味道好香口又juicy，推介👍💥蒜香花甲湯米線(*已包花甲、麵底、生菜、豆卜、金茹) $43 (9/10)上網睇可以寫多茜，我又試下，老細真係俾多D芫茜。識食一定飲啖湯先。好鮮甜好飲，呢個價錢無得輸，唔會因為賣得平就俾少D料，花甲每隻都開哂，大約6-8隻(掛住食唔記得數)仲要無沙，加菜脯超夾。最後我飲哂D湯就知咩料啦😎💥堅係和牛 $15/3粒個個都話
🤑合計人均：$40 - 80
土瓜灣舊區要重建，係香港住咁耐真係未去過。撞正落大雨，但都食到2間超想試既餐廳，真係好幸福! 下次一定會再去行埋牛棚試埋其他正野😋
🏠環境 ： 環境都係小店，都好乾淨企理。
🍳食物： 茜麵(西口西麵)
第一次食去到問係未有堂食，原來係隔離鋪拉開門就係，裡面係小學課室格局，老闆娘勁nice，俾咗order紙我地點餐後問我地姓咩寫返落order紙，下次去可以寫小學雞，好有俾miss叫名既feel🤣 呢到上菜都係用外賣餐具同碗，食完自己拎出門口個垃圾桶，都明人手有限要方便快捷。
💥花雕雞扒湯配薯粉 $40 (8/10)
湯濃薯粉彈牙，最正係雞扒處理成一細舊，一啖食得哂，味道好香口又juicy，推介👍
💥蒜香花甲湯米線(*已包花甲、麵底、生菜、豆卜、金茹) $43 (9/10)
上網睇可以寫多茜，我又試下，老細真係俾多D芫茜。識食一定飲啖湯先。好鮮甜好飲，呢個價錢無得輸，唔會因為賣得平就俾少D料，花甲每隻都開哂，大約6-8隻(掛住食唔記得數)仲要無沙，加菜脯超夾。最後我飲哂D湯就知咩料啦😎
💥堅係和牛 $15/3粒
個個都話好正，我都叫嚟試下，老實說唔係好岩我口味，我原以為好似一口牛咁既，雖然佢exactly一口牛樣，但口感似漢堡扒，但油脂感係十足的，未食過可以試下😆
💥炸八爪魚卷 $16/3條 💥香口腐皮卷 $16/2條
2樣都係街市買個D，不過燒得好香脆，腐皮卷有D淋同油，呢個價錢做小食都值得試。
✨價錢 : 價錢平，食物有質素，特別推介蒜香花甲湯米線，女仔食都一定夠飽，2個人嚟叫多兩款小食過下口癮😙
張貼
