茜麵(西口西麵)

營業中

休息中

我會話… 超級多芫荽真係超正🤣🤣🤣！對於一啲鍾意食芫荽嘅人嚟講…完全係天堂！！！😗😗 食到隔離台聞到都驚🤣🤣…花甲湯仲可以額外叫少少櫻花蝦，我幾欣賞！櫻花蝦嘅味道鹹鹹地，份量都ok，成碗麵更加鮮香！😹❤️蒜香花甲湯個湯底好大浸蒜味，😹😹所以好啱我口味，都有十幾粒花甲，粒粒都合格，冇營養不良/ 好多沙嘅選手！我就叫咗粉絲，粉絲朔晒啲湯汁精華，非常之香！！配菜就叫咗介花魷魚，份量都幾多下！😋

係附近整車，朋友介紹嚟呢度話必食花甲同堅係和牛串。一開始以為得外賣，見到隔離寫有貓咪所以閂住門。門口貼咗清晰指示先落單再坐位，主打都係唔同湯底嘅花甲湯麵。叫咗麻辣花甲，有得免費加芫荽菜蒲，一嚟到發現超多滿到成碗都係連啲餸都睇唔到，撥開咗見到花甲好多。味道鮮甜，唔係話好辣。驚食到熱入坐先再叫可樂，啱啱先找咗個一蚊比我唔知跌咗係邊搵極個袋都冇，嘢食嚟到都仲搵緊，老闆娘叫我唔好搵住食完先搵返比佢。舖頭有養貓咪，對貓咪好好，男店主風趣幽默，女店主勁親切友善，一路由落單到食完都好多熟客同佢哋傾計，充滿人情味。好耐遇過咁友善態度咁好嘅食肆，要講嘅話個牛有啲少，米線浸得太耐粗咗易斷唔彈牙，但係兩樣嘅味道都好好。冇寫開食評，見到上一個post話店主態度惡劣覺得不解，幫佢平反吓。

留港消费撐小店，换来一肚氣。一個晚上下雨天来到，不知道有特定規條要在街邊填表才能入座，檔外燈光微约，六十歲眼睛不太好，就進了旁邊食堂區坐下填表，恶女人就很不客氣稱必须到外面落单，完全没一點同理心，為她家老人家傷心。麵来了但少给一餸，只見她把我碗麵由底翻上面又由面撥去底，来回四次，最後與廚房證實是自己錯，一句SORRY也欠付。唉 ! 香港再多這類人做飲食業前線，是飲食界的悲哀。說回那碗给她蹂躏完的麵，花甲是新鲜的，但湯底就很不自然地甜，可能加了糖精之類。

知道呢間餐廳係土瓜灣名物之一，本人亦好喜歡食芫荽，所以都試過佢哋唔同嘅麵。個人認為佢哋嘅花甲麵冇咩特別，但係魔鬼雞扒就好推介啦。我最鍾意佢哋嘅魔鬼雞扒麵配粉絲多芫荽，夠香夠辣非常好味。

食過好幾次好食😋唔算話好食到嘩嘩聲但至少係同區來說係好好嘅選擇老闆們好熱情每次見佢哋落單都會記得好多客人嘅口味非常細心見到同街坊有講有笑同聲同氣 係呢區真係好難得食物基本上全部都好食最令人驚喜是雞翼、堅和牛令人難忘一碗份量好大就算唔加餸都好夠食一碗一定會有跟豆卜、金菇、生菜可額外加「叻媽辣油」（呢個好味呀）仲有辣菜甫 （一定要加）每次食到最後，都會new黎食店鋪有時都多人所以最好就WhatsApp 落單問下大概幾耐比較好

招牌蜆湯粉絲堅和牛串燒+份量足夠-很飽！- 蜆-10隻…可惜有沙呢個扣了分。因太早未有足夠時間吐沙？🧐=湯- 鮮甜度合格但未至「嘩」一聲很可惜！未有令人再光顧的衝動。湯底要改善..再清甜會吸引多啲，令人回味！

今日聽完小儀^咪豬聯推介即晚就同老公試下，果然有驚喜，食完絕對唔會西口西面。先講*服務，有選擇困難既我唔算太困難，老闆娘超nice，雖然我唔係學生但依然當照顧學生一樣咁細心。*食材湯底真心不錯，花甲湯底有十幾隻花甲鮮甜冇沙，湯底本身有金菇豆卜生菜，芫茜辣椒櫻花蝦免費。餸我選蠔仔同煎鯪魚球，有幸食到最後一份蠔仔，蠔仔飽滿有鮮味，連勁怕蠔腥味嘅老公都話ok，但份量唔算多，湯底清甜，絕對可照鏡。豬紅好味但相比較少，雞扒大塊味道不錯，絕對性價比。@蠔仔煎鯪魚球花甲粉$65@豬紅蒜蓉雞扒米線$49@奶茶$18#美中不足是堂食全用外賣餐具

成間舖頭老闆老闆娘都非常之友善嘢食非常好味湯底係真係佢哋自己去街市買材料返嚟煮花甲湯好鮮甜😂同埋啲蜆肉唔洗吐沙都幾乾淨雞扒麵個湯底都係好味仲有佢哋啲小食全部都好好食和牛香味濃揀嘅麵條推薦粉絲或者薯粉呢啲可以索到個湯底嘅所以食到淡淡都好香我好鬼死鍾意加芫荽因為本身鍾意食芫荽鍾意嘅可以加得勁多不過朋友唔係好鍾意食芫荽所以佢就慘了佢話就算自己嗰碗冇芫荽問到成間餐廳都食緊芫荽覺得自己好似俾人孤立緊咁樣😂

香辣芫荽蜆米線絕對是辣味愛好者的最佳選擇首先，讓我們談談辣度。這碗香辣芫荽蜆米線的辣椒醬並不是川味，是像合味道香辣海鮮杯麵的辣味，但辣味並不過於強烈，亦能吃到蜆湯的甜味是這碗米線的亮點之一。蜆湯清澈透明，入口時帶著鮮甜的海鮮風味，給整碗米線增添了一層豐富的滋味。每一口都能感受到蜆湯的鮮味，讓人回味無窮。唯一唔好既地方係米線煮得過淋。最後，鍾意食芫荽可以叫增量。一口和牛亦不錯，很淋，淋得用筷子都可以切開。

聽人講呢間野幾好食，我哋決定來一試究竟！如圖所示，店舖坐位比較少，可以點左餐先！我哋兩個都叫咗花甲，分別是試左2款唔同嘅味道個人覺得幾好食，如果本身你鍾意食甜嘢，呢度嘅花甲湯底有啲偏甜，幾好食😀如果你本身鍾意食鹹辣，可以另外叫老闆娘俾啲辣椒你…份量好足，好多花甲，一啲都唔孤寒👍同埋湯底都好香…下次可以試埋佢其他湯底同小食先🥰🥰🥰#黃怪獸 #黃怪獸覓食 #黃怪獸自家製 #香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy #hk #hkfoodie #hkfood #foodie #foodiehk #foodporn #hk90s #想要更多真實食評搜尋ig黃怪獸覓食 #love #followback #instagramers #tweegram #photooftheday #20likes #amazing

花甲湯鮮甜，食物份量夠，食物質素唔錯，但係個價錢比其他類型既鋪頭偏貴。食咗幾次都係外賣自取，但係每次基本上都係俾佢聲稱要等待既時間耐5-10分鐘。另外老闆娘既服務態度麻麻。值得一試既

#20230806 💛📍 茜麵(西口西麵) @saimeanboss 土瓜灣銀漢街21號地下B號舖➖➖➖➖➖➖➖➖➖➖➖➖➖➖➖➖➖➖#香辣花甲湯 $43 🫧 #花甲 #生菜 #豆卜 #金菇 #菜底 #豬紅 $7#Double花甲 $20💭通常花甲粉都係配粉絲，呢啲可以配菜底，岩晒🐷呢啲有時淨係想食花甲而食唔落咁多既人🥬本身猶豫要唔要圈埋叻媽辣油，店主姐姐話係佢媽媽自己炒既，但會比較重口味，可能會蓋左花甲既鮮味，而香辣係佢地試過覺得最適合既辣度😎的確係食到花甲既鮮又唔會辣到流晒鼻水咁🥲豬紅咬落甜甜地，配埋香辣湯底好惹味，花甲double左都真係有幾多隻，唔大粒但粒粒鮮甜，$20比得好抵🤩.#蒜香花甲湯 🫧 #花甲 #生菜 #豆卜 #金菇 #粉絲 🫧 #菜脯 #爆茜 #指天椒 #原個紫菜 $10💭 呢度非常之好係芫荽唔使加錢，教各位芫荽控既朋友，就咁圈芫荽只係正常份量，要寫爆茜先有咁多架🌿double花甲其實都係隱藏menu，店主姐姐仲會介紹當日有咩是日靚餸，呢啲都唔係日常menu度架😜係個唔辣既湯底加左指天椒🌶️咬到就真係辣到飛起，紫菜份量勁多，要好努力先可以撥開見到下面啲粉絲，粉絲

女老闆娘態度勁差 出去接朋友入黎 叫唔好再行黎行去 冷氣已經唔夠 6個人食 諗住4個女仔坐一邊另外2個男仔坐門口類似吧枱既位食 我地同行3個女仔入左先另外一個男仔坐左吧枱個邊 叫我個男仔朋友坐返落去 態度勁差甘講最後麵黎左10分鐘都冇仲出緊煙既情況可以同客人講食快啲啦 出面好多人等緊我真係第一次野食再好都唔會再幫襯比錢受氣

六個月前去過一試難忘，今天再去還保持實力。繼續我最愛的蒜香花甲湯，今次加蠔仔及紫菜，熱烘烘的湯加上滿瀉的紫菜吃了令人感到滿足。花甲(超過10隻）、蠔仔（大約7-8隻）湯令湯底更鮮甜，紫菜完全能配合它們的鮮甜味，值得👍🏻。總結：他們的湯底真材實料，真正的鮮甜味，如經開土瓜環會再去。需要改善的可能是房內的冷氣不足。另外，老板對熟客非常友善，如對生客可以熱情多－點便可加分。

🍜🍜🍜🍜香辣/麻辣湯底🍲香辣湯底比較甜 會比較易入口 如果偏向麻辣雞煲嘅香麻滋味 可以選擇麻辣湯底 兩種湯底都好好食 同埋唔會減少到蜆嘅鮮味 如果唔食得辣嘅朋友 可以揀蒜香湯底公仔麵底🍜如果想一次過享受哂湯底嘅辣 蜆嘅鮮味公仔麵絕對係不二之選如果一個唔夠 仲可以選擇加底😎蜆😋第一次食個陣 已經被蜆嘅份量嚇親 冇諗到會有咁多隻🤤作為一個海鮮愛好者 呢樣係一件好幸福嘅事🫶🏻加上蜆好鮮甜 唔會有沙 係煮嘅過程吸收哂湯底嘅辣煎蛋🍳老闆將雞蛋煎到啱啱好 有燶邊 同時都做到流心嘅效果 一啖食左個蛋黃真係好滿足啊🫶🏻介花鮮魷🦑大家覺唔覺得個介花好得意🤣除左令外觀更加吸引 介花仲令到啲湯可以掛住係鮮魷上面 而且好易咬開 唔會好韌叻媽辣油🌶鐘意食辣嘅朋友可以加埋自家整嘅叻媽辣油將辣味再進一步提升 更加帶出湯底嘅鮮甜😋堅係和牛🐮老闆娘一攞入黎已經聞到香 每一舊和牛都煎到好香 油脂覆蓋住每一舊牛 入口即溶 一啲都唔韌 一串串攞起上黎食超過過癮 建議大家趁熱食🔥炸八爪魚卷🐙脆邊再配上入面煙靭嘅八爪魚粒豐富咗口感 值得一試！