女人街食飯公司

營業中

休息中

今日一行10人去廣東菜館十大之一女人街食飯公司食團年飯，😃早兩三日就已經打去預留咗上湯龍蝦腸粉，👍🏻呢個係特別餸，一定要留先有得食！同埋豉椒蟶子皇，👍🏻實在太好食！👍🏻黑松露蝦多士都係招牌，仲有佢嗰個咕嚕肉又係好王牌！豉油王炒麵勁好食，薯仔牛柳粒都係非常之惹味。我覺得真係值得再encore 👍🏻老人家都話好食。我哋仲食咗臘味炒芥蘭，嗰個蟹籽瑤柱蛋白炒飯都唔錯，不過好似淡味少少。其他炒嘢都非常好食，尤其是鐵板啊JJ嗰D 。呢間之前食咗幾次都係一樣keep住水準，所以下次可以繼續嚟。