影片
更多
2018-07-25
298 瀏覽
平時約屋企人或者朋友一大班人，我地通常都會食中菜，特別係地方菜，因為平時如果人少點兩三個菜式就飽哂，人多先食得盡興嘛。客家菜，潮州菜上海菜咁，通通都係my favorite，但今晚就特別啲，去試左順德菜，仲要係私房的😏。朋友中有人話食過搶住落單，好，又睇下佢點左啲咩菜式先：懷舊三寶(蟹多士、金錢雞、自家製鯪魚球)、古早錦滷雲吞、八寶冬瓜盅、上八珍扒大鴨、梧州紙包骨、琵琶豆腐、蟹肉炒大良奶、陸氏炒飯、焗西米布甸；總共十一度菜。嘩！使唔使呀，去飲咩？！😅😏其實菜單都OK嘅，其中有幾樣懷舊心機菜，家陣都唔係咁易食到，好似金錢雞咁，精粹係層肥膏度，呢度嘅金錢雞，除左舊膶夠香口外，層肥膏真係夠肥，但處理過之後好爽，咬落一啲都唔油，調味有點似义燒，略甜但👍。另一道就係紙包骨，呢道菜我細個時成日都有食，金沙骨用紙包住炸，肉汁被充份保存，但又夠香脆，唔怕熱氣必點！一連食左幾度香口煎炸野之後，食番碗清熱消暑冬瓜盅先，個冬瓜盅超級足料，加上夜香花嘅獨有香氣，係夏天最佳湯品，雖然我一向唔鍾意飲中式湯，但都好俾面食哂啲湯料呀😏。相信全晚嘅亮點應該就係呢道據有人話要預訂先有得食嘅扒大鴨，事關佢功夫多，大大話話要
朋友中有人話食過搶住落單，好，又睇下佢點左啲咩菜式先：懷舊三寶(蟹多士、金錢雞、自家製鯪魚球)、古早錦滷雲吞、八寶冬瓜盅、上八珍扒大鴨、梧州紙包骨、琵琶豆腐、蟹肉炒大良奶、陸氏炒飯、焗西米布甸；總共十一度菜。嘩！使唔使呀，去飲咩？！😅😏
其實菜單都OK嘅，其中有幾樣懷舊心機菜，家陣都唔係咁易食到，好似金錢雞咁，精粹係層肥膏度，呢度嘅金錢雞，除左舊膶夠香口外，層肥膏真係夠肥，但處理過之後好爽，咬落一啲都唔油，調味有點似义燒，略甜但👍。
另一道就係紙包骨，呢道菜我細個時成日都有食，金沙骨用紙包住炸，肉汁被充份保存，但又夠香脆，唔怕熱氣必點！
一連食左幾度香口煎炸野之後，食番碗清熱消暑冬瓜盅先，個冬瓜盅超級足料，加上夜香花嘅獨有香氣，係夏天最佳湯品，雖然我一向唔鍾意飲中式湯，但都好俾面食哂啲湯料呀😏。
相信全晚嘅亮點應該就係呢道據有人話要預訂先有得食嘅扒大鴨，事關佢功夫多，大大話話要整三五個鐘，先炸後調味再蒸煮，最後又加上海陸幾重名貴配料再燴，都咪話唔野少喎。
我本身就對啲配料興趣不大，反而想試試隻鴨---呢個就巧妙喇，係攪左咁多功序之後，隻鴨仍然保持到佢嘅香味，肉質依然鮮嫩，層鴨皮都仲好香，確難得☺️。
仲有嗰個蟹肉炒大良奶，堅有蟹肉，仲係有好多添，大良奶好重奶味，所以成度菜好香。不過我比較怕奶騷味，所以淺嚐就算。
餸菜點得太多，食完呢餐真係飽到上心口，不過久不久食番啲懷舊菜，就會諗起細個長輩帶我地四出覓食嘅快樂回憶，都唔錯嘅！🤭
張貼
