TERA (圍方)

營業中

休息中

Tera在大圍圍方開咗新店啦，餐廳環境以木系裝修，非常有日本風格，用日本燈籠裝飾，仲用植物點綴，空間感很大，令人心情放鬆自在。呢度梳乎厘好出名，同時都有好多主食、小食，飲品可供選擇，真係一個傾計嘅好地方。葡萄乳酸梳打，葡萄味突出，帶有梳打嘅清新。草莓番石榴乳酸，賣相好靚，仲用1粒草莓做點綴，酸酸甜甜開胃好飲。炸薯條配黑松露醬 嗌杯嘢飲坐響度傾計，點可以少咗香口嘢，炸薯條配黑松露醬就最岩食啦，既唔怕太飽，又可以過吓口癮，用咗竹籃擺放，配合個氛圍好chill，黑松露醬香味濃郁，同薯條好夾。開心果梳乎厘即叫即整既梳乎厘，非常新鮮鬆軟，鋪滿開心果、雜果仁碎，上面用開心果忌廉同開心果醬，非常有空氣感，上枱後要快啲食，蛋香味仲好濃郁。