魚蛋佬

營業中

休息中

落機通常係下午六點左右，返到西灣河就會經過太安樓，如果見到一條排隊嘅人龍，就知道魚蛋佬今日有開門，Yeah! 😍如果見唔到條人龍，就即係你唔好彩，佢冇開門 😩我好好彩唔使排好耐就有得食。當我食物到手之後，條隊又有十個八個啦。真好彩，唔使哂太多時間排隊。魚蛋 $7 有5粒，軟硬適中，唔係超彈牙嗰種魚蛋。牛丸 $11 有3大粒，鍾意食晏啲質地嘅呢個就啱晒。齋 $7 一串加埋啲沙嗲汁，超好味。最低消費少過 $10，就可以品嚐嘅 平價美食。