影片
更多
2024-06-07
98 瀏覽
去完越南返嚟一直都好掛住越南獨特嘅菜式風味🥺所以今日就去咗一間成日經過，但係未有機會食嘅河內餐廳🍴試吓同我喺河內食嘅係咪一樣先😋餐廳唔係好大，但係每張枱都坐滿人💯而且翻枱速度好快，全晚都人流不絕😵一坐低餐廳就即刻拎咗兩杯茶俾我哋，本身以為係普通嘅茶，點知問返餐廳先知原來佢哋係用咗喺越南買嘅菠蘿茶葉嚟沖，所以會有一陣陣嘅甜味同埋回香😯👍🏻今次叫咗一個河內特色綜合檬粉($95)，一個雞絲湯檬($61)同埋一份濱海拌香茅豬扒($76)😎最鍾意就係綜合檬粉入面有齊晒所有河內特色嘅配菜，可以食一碗但係試晒所有嘢😍而最特別，我亦好少喺香港見到嘅香葉卷雖然外型有啲不討好😂但係真係好好食，大家食完應該都會列入越南菜入面嘅必點💯另外濱海都好特別，係將蔥碎同炸蒜碎鋪喺一餅米粉上面，夾埋啲香茅豬扒再沾埋餐廳提供嘅幾款醬料一齊食簡直係絕配👍🏻最後我哋叫咗一個椰青同埋一杯杞子龍眼茶🧉☕️最surprise係杯杞子龍眼茶，係我有史以來見過最足料嘅🤯入面應該有成10粒嘅龍眼，完全超值😋埋單兩個人$285，又唔使飛去越南就食到當地首都嘅風味😆大家有興趣食越南嘢都可以過嚟try try！
餐廳唔係好大，但係每張枱都坐滿人💯而且翻枱速度好快，全晚都人流不絕😵一坐低餐廳就即刻拎咗兩杯茶俾我哋，本身以為係普通嘅茶，點知問返餐廳先知原來佢哋係用咗喺越南買嘅菠蘿茶葉嚟沖，所以會有一陣陣嘅甜味同埋回香😯👍🏻
今次叫咗一個河內特色綜合檬粉($95)，一個雞絲湯檬($61)同埋一份濱海拌香茅豬扒($76)😎最鍾意就係綜合檬粉入面有齊晒所有河內特色嘅配菜，可以食一碗但係試晒所有嘢😍
而最特別，我亦好少喺香港見到嘅香葉卷雖然外型有啲不討好😂但係真係好好食，大家食完應該都會列入越南菜入面嘅必點💯
另外濱海都好特別，係將蔥碎同炸蒜碎鋪喺一餅米粉上面，夾埋啲香茅豬扒再沾埋餐廳提供嘅幾款醬料一齊食簡直係絕配👍🏻
最後我哋叫咗一個椰青同埋一杯杞子龍眼茶🧉☕️最surprise係杯杞子龍眼茶，係我有史以來見過最足料嘅🤯入面應該有成10粒嘅龍眼，完全超值😋
埋單兩個人$285，又唔使飛去越南就食到當地首都嘅風味😆大家有興趣食越南嘢都可以過嚟try try！
張貼
