雲南啊老表黑山羊湯鍋米綫 (已結業)

秋風起，特別想食熱野，行過漆咸道，竟然見到呢度開左間老表!!以前觀塘返工成日食，入嚟新店回味吓!Menu同印象中差唔多，但以前好似無酸辣的。但都係揀食羊肉米，夠香夠暖胃!醬料方面亦多左選擇。呢款辣油似係自己炒，一打開已經聞到超香!!米線未到食下青瓜開開胃，始終覺得青瓜大大舊夠厚身先好食，微微凍~清涼爽甜!加左醋去撈，食落特別開胃。同以前食嘅一樣，羊可以揀有皮無皮，我怕韌所以要左無皮。羊肉肥瘦適中，入口香嫩軟滑，香味十足，一啲都唔羶。湯底幾特別，揀選放大量韭菜，雖然唔夠芫荽蔥咁香，但食落又幾夾幾有趣。另外仲放左啲炸粉，唔算太脆，但吸左湯有少少油香，幾好食。米線幾好食，唔會煮到一pat野，有過冷河，唔會入口有粉漿嘅感覺。