素來素往 (已結業)

今日朋友生日約食素，一向小吃素的我有意外驚喜，食素食都係感覺是食豆、瓜、菇、菜這幾樣，這裡令我對素有改觀。這裡竟然有煎釀三寶、咖哩薯仔炆雞片，四季豆炒腩肉，仲有口水雞同鳳爪突然感到自己有點井底之蛙。講到口水雞同鳳爪，相似度接近90%，無論外型及口感都極為相似，仲有個滷肉飯，一般食自助餐我唔會食飯，朋友介紹一定要試，我就試吓，真係冇介紹錯，味道和好感都十分相似，我至愛佢哋個川辣薯粉同涼拌椰菜絲，好有四川風味，但辣度又適合我們香港人。講到甜品就是女士恩物，佢哋甜品好豐富，好有罪惡感🫢，佢個焗南瓜🎃布甸超好味，但係一定要快手，好快就冇晒；仲有梳乎厘、好彈牙千層糕同紅豆糕、我比較喜歡佢自制紅豆沙撈豆腐花，出去食一碗都要三十幾蚊，美中不足就係冇蛋糕提供，生日都冇蛋糕切真係唔係好開心。🤣🤣 我唔係素人，今次嚟對素有點改觀，但我朋友就覺得啲熱葷有少少偏油同偏咸，可能我比較重口味，我就覺得適中。去到最後諗住俾錢才知道這裡係相金先惠，這裡一個自助晚餐都只係$128，仲冇加收服務費，超底食！ 無論如何，今次冇嚟錯，可以再約朋友encore. 掛住食只得一張打卡相㖭！😜