生昌潮州海鮮酒家

營業中

休息中

第一次慕名而來到餐廳，餐廳環境係地道嘅打冷舖頭，員工熱情得來又有少少冷漠。因為我帶咗寵物，所以都係自行搵個室外嘅座位坐低。雖然餐廳地址比較偏門，但係都座無虛席。叫咗最出名嘅鹽焗烏頭，潮州凍蟹同埋白灼螄蚶。對烏頭有少少失望，可能一開頭對佢期望太高，所以覺得冇咩特。但係凍蟹同埋螄蚶就不得了啦！凍蟹好鮮甜，食得出係新鮮嘅，但係數量有限，想食要早啲落order。而螄蚶係我第一次食，既然味道潮州打冷，唔係唔試下掛，都幾新鮮，主要靠醬汁調味，整體都唔錯。