越男仔 (已搬遷) 新店位置

作為一個越南菜愛好者，平時出街有得揀都會揀食越南菜，今次經過旺角，就入左呢間越南菜餐廳。舖頭面績好細，只有兩排單人坐，但餐廳外就貼滿明星合照同訪問，好似好出名咁，哈哈。四色米卷($72)平時食越南菜，餐牌有的話，我都一定會叫米紙卷。四色米卷分別係三文魚，手撕雞，海膽同牛炸醬。當中手撕雞米紙卷真係好驚喜！雞唔會鞋口得黎又入味。除咗卷上面放滿配料之外，每個卷中間都夾有手撕雞，加埋煙韌米紙皮同彈牙檬粉，點上酸酸甜甜嘅醬汁，米卷真係無得輸！古法鍋蛋烤牛肉生菜包撈檬($88)另外仲叫咗一個烤牛肉撈檬，夏天食撈檬真係透心涼，酸酸甜甜嘅醬汁，加上入味嘅牛肉，同爽口嘅青瓜生菜絲，口感一流。係幾有驚喜！