川大哥

營業中

休息中

酸菜魚（鯛魚） 份量超足料，除左魚片之外，仲有芽菜、黃芽白、勁多酸菜😍。 湯底酸辣度剛剛好，酸味不會嗆喉, 魚肉去左骨，肉質嫩滑鮮味，湯底充滿濃湯魚味，忍唔住飲左幾啖，最緊要係飲完唔會好口渴。仲可以加配料落去打邊爐。今次人少少，淨係叫左一份粉絲，索晒d湯汁，超好味。串燒 拼盤有6款唔同，每款兩串。牛舌芯, 口感好爽，濃厚牛舌味，仲好油香好惹味。雞翼，皮燒得好香脆又肥美。五花腩半肥瘦、芝士腸、墨魚丸、雞軟骨，好香既孜然味微辣, 燒得岩岩好，不會太乾，好有風味。 除左串燒，仲有d特色錫紙盤小食，叫左個麻辣鴨血。上菜時錫紙盤放落個小火爐，食物保持温度，好貼心。鴨血好軟滑，味道好有四川風味，味道唔錯。裝修都唔錯，座位闊落，冷氣相當充足，服務員招呼都好好。