影片
更多
2023-09-14
31 瀏覽
⛩️今日行元朗Yoho，上電梯經過一間日式餐廳裝潢既Café 《TERA》，原來係Pancake專門店。入去坐窗邊位，可以望住商場地下有幾隻猫猫Figure，空間感十足，亦坐得好舒服。嘆杯茶先！🫖梳乎厘由於廚房是即叫即製，一般需時15-20分鐘。可以先品嚐一下熱茶。茶可以消滯，而且熱茶配上甜品一向都好夾，我係選擇飲品時係先俾佢餐牌內既茶壺畫作吸引左，覺得個茶壺細細個好靚。款式方面有兩類：茶葉(2款)/ 養生花茶(5款)選擇。我較為喜好加了花的茶而選擇左養生花茶—桂花國寶茶。果然上菜時真係用返個茶壺同兩隻茶杯呈現，好適合係依個日式裝潢既情景享用，仲有少少玩「茶道」Feel～因為係國寶茶屬於濃茶，茶既色澤會較為深啡色，聞落相對係會更濃烈，飲落亦會係重D既茶味，加埋混合左桂花既口味，會少少甘甜既味道，同平時中式茶會有分別。金箔Nutelle梳乎厘 (每日限定)🥞嚟TERA必試梳乎厘，我選擇左「金箔Nutelle」口味。因為望到閃令令既金箔係無法抗拒的。依款口味係用可可豆榛果仁醬舖成，配以金莎朱古力伴碟，對於少女心既我，金箔同金莎都俾到一個好Grand既印象。金箔除左舖係Pancake表面，連碟
嘆杯茶先！
🫖梳乎厘由於廚房是即叫即製，一般需時15-20分鐘。可以先品嚐一下熱茶。茶可以消滯，而且熱茶配上甜品一向都好夾，我係選擇飲品時係先俾佢餐牌內既茶壺畫作吸引左，覺得個茶壺細細個好靚。款式方面有兩類：茶葉(2款)/ 養生花茶(5款)選擇。我較為喜好加了花的茶而選擇左養生花茶—桂花國寶茶。果然上菜時真係用返個茶壺同兩隻茶杯呈現，好適合係依個日式裝潢既情景享用，仲有少少玩「茶道」Feel～因為係國寶茶屬於濃茶，茶既色澤會較為深啡色，聞落相對係會更濃烈，飲落亦會係重D既茶味，加埋混合左桂花既口味，會少少甘甜既味道，同平時中式茶會有分別。
金箔Nutelle梳乎厘 (每日限定)
🥞嚟TERA必試梳乎厘，我選擇左「金箔Nutelle」口味。因為望到閃令令既金箔係無法抗拒的。依款口味係用可可豆榛果仁醬舖成，配以金莎朱古力伴碟，對於少女心既我，金箔同金莎都俾到一個好Grand既印象。金箔除左舖係Pancake表面，連碟邊都充滿金黃，要將Cake點嚟食沾滿色澤。Pancake有三層，一咬開勁鬆軟，配上榛果仁醬甜甜既味道，好有幸福感。
流心芝士撻 （TERA推介糕點）
另一樣必試的是流心芝士撻。由於也是即叫即焗，上菜時是熱暖的，撻底下仍用錫盤盛著。一切落底拿起一半，果然內面是流心的，淡黃的芝士流出，配上脆脆外皮，外脆內軟口感十足。
🥐傳統窩夫 定 牛角包窩夫好呢？
兩樣都想食，但見到餐牌寫住YOHO店限定，咁我一定先選限定款式啦。共有三款口味：金沙(黑金色)、士多啤梨(粉紅色)及藍莓(藍色)； 係苦同甜味之間我選擇左苦味。因為剛才個金箔Nutelle梳乎厘太好食，我想再叫返相類既味道，睇下轉換為牛角包窩夫會係如何～兩者味道係差唔多，但賣相唔同左，由於依個係「牛角包」形狀既窩夫，比一般窩夫係會細件D。而窩夫表面先舖左一層醬汁同朱古力粉，上面好邪惡咁加左Cream後再舖上金沙及朱古力粉。我另外要加配左兩球雲呢拿雪糕，滿足我甜品胃既需要。
🥤香蕉咖啡配椰乳 (餐廳👍)
最後要飲D甜野。點左杯香蕉咖啡配椰乳。外面好少餐廳會用椰乳，依個配搭幾特別。椰乳加咖啡幾好飲，味道係比平時既咖啡多左一種特別的口味，好突顯到椰子既香味，但又唔會太甜。底下加左香蕉蓉，飲時食到果肉，正~
張貼
