TERA (形點 I)

之前嚟食過Tera嘅梳乎厘 ，印象好好，決定今晚再去食晚飯再加份梳乎厘🩷地方不大，和風木系設計，掛住啲和風圓形紙燈籠⛩️有兩張細細地嘅榻榻米位員工服務有禮。喺Yoho商場入面極方便，睇完戲過嚟食飯☝🏻鹹/甜食都有，唔想煩嘅可以叫套餐！眼見好多枱一家大細專登嚟食兩碟pancake😋目標明確食梳乎厘！！有好多口味可揀，最後決定揀今期大熱嘅”杜拜朱古力”，追上個潮流😁輕盈、鬆軟，打完卡都冇扁晒漏晒氣咁嘅樣，keep到脹卜卜厚身身型，入口鬆軟空氣感十足，微微蛋香味；面頭鋪滿了一層杜拜朱古力漿，個朱古力味夠晒濃，大推📢📢”麵豉汁燒比目魚”魚肉夠晒滑，個麵豉汁好味😋“炸軟殼蟹牛油果田園沙律”沙律菜幾多，清新之選小食”炸蜜糖牛油雞翼”炸得啱啱好，juicy唔乾，甜甜地唔會有人唔鍾意食，屋企人讚夠晒大隻多肉👍🏻小食”炸薯條炸配黑松露醬”脆口唔油飲品”黄皮鳳凰單叢”好香花香味，茶味回甘，平時出街食飯唔多見有呢個option😗👍🏾…查看更多

【杜拜朱古力班戟疏乎厘🥞TERA寺⛩️】-之前同朋友喺佐敦食過一間Cafe叫【✨⛩️TERA⛩️✨】主打pancake疏乎厘😳估唔到佢喺元朗YOHO開咗間分店😻仲要推出咗近期好Hit嘅杜拜朱古力口味🥞冇理由唔試吓佢❣️-餐廳嘅裝修係木系日式風格😌仲有榻榻米添～食物方面有幾款意粉🍝意大利飯、all day Breakfast同埋肉類主食🍖當然唔少得甜品🧇招牌疏乎厘同埋窩夫😋有勁多種口味真係好難揀呀🤣🤣🤣-😋杜拜朱古力Pancake $158+1In case大家唔知咩係杜拜朱古力😳其實佢係開心果醬同中東傳統甜點「卡塔伊夫」（一種細絲狀嘅脆脆）嘅結合😌食落脆卜卜口感拉滿😜又不失香開心果嘅香味😻配合埋蓬鬆嘅疏乎厘pancake🥹👍🏻👍🏻👍🏻👍🏻oh YES😋好味指數：🌕🌕🌕🌕🌗-😋金莎榛子牛角包窩夫🥐$78+1呢款金莎牛角包窩夫😻上面真係灑滿金箔閃令令✨牛角包香脆鬆軟😙配埋香濃嘅榛子醬同忌廉😉呢個熱量真係唔講得少🤪但好味就唔理咁多！好味指數：🌕🌕🌕🌕🌘-😋卡邦尼扁意粉🍝$128雖然女人係有甜品胃但係都要嗌返個正餐嘅😜嗌咗個卡邦尼意粉😳味道都唔錯，個忌廉味又幾香濃喎😌煙肉都夠鹹香🤣但係意粉就冇甜品咁驚艷啦～今餐嗌嘢飲有得減$12🍑小編叫咗杯蜜桃柚子梳打(原價$48)梳打夠氣有淡淡蜜桃香味又唔會太甜😌好味指數：🌕🌕🌕🌕🌘-📍 TERA寺⛩️元朗：形點 I L1樓1075號舖佐敦：廟街273-285號寶發大廈地下4號舖大圍：圍方3樓320號舖💸人均消費： $220…查看更多

#pb食在元朗 #pb日式系列 元朗日式梳乎厘班戟咖啡店🥞相信唔少人都聽過呢間日式梳乎厘Pancake店 佢係佐敦、大圍圍方、元朗Yoho Mall都有分店🥰 今次我去左元朗Yoho Mall店 店內裝修以白色、木系為主 環境唔大 有一邊榻榻米位置🤪 平日夜晚去到都有唔少人食 幾受歡迎👍🏻.佢主打日式梳乎厘Pancake 口味多達10款😍 晚餐有8款選擇 有沙律、Pasta、Risotto、Burger等😋 價錢$118-$218不等 包餐湯 / 沙律 另配正價飲品可加$12🥰 另外佢有個限定二人套餐 包頭盤、小食、主菜、甜品、飲品 價錢$498👍🏻🔹煙三文魚忌廉貓耳朵🍝好鍾意食貓耳朵😍 佢嘅貓耳朵口感微微煙韌 粒粒都沾滿忌廉😋 雖然口感唔算creamy 但味道幾好 唔會太漏👍🏻🔹香煎帶子大蝦墨汁意大利飯🦐推介❤️ 墨汁Risotto口感好rich 食落有微微鮮味、鹹香 會食唔停口😋 帶子、大蝦都好厚身、大隻 微微煎香後唔會好乾身 口感剛剛好😍🔹杜拜朱古力梳乎厘🥞推介❤️ 佢嘅賣相同餐牌圖片係完全一樣 好難得😍 疏乎厘Pancake好鬆軟 輕輕郁下都會搖下搖下 好治癒🤪 Pancake嘅蛋香味好濃郁 配埋杜拜朱古力、開心果碎 味道更加香濃 亦唔會過甜👍🏻.整體✨ 呢間日式梳乎厘Pancake店有多間分店 元朗Yoho Mall店裝修以白色、木系為主 環境雖然唔大 但幾舒服👍🏻 佢主打嘅日式梳乎厘Pancake口感好鬆軟 蛋香味濃郁 絕對值得一試😍TERA (元朗) · 🤝🏻🤪元朗元龍街9號形點 I L1樓1075號舖…查看更多

📷餐廳位於形點I期一樓，店面呈開放式，裝修走日系系，以米白色牆紙同啡黑色木條做牆身，餐桌等用淺木色做主，座位仲有榻榻米揀，好似置身日本咁🤩🍴豆乳梳乎厘Pancake💰HK$128✨推薦指數：9/10呢款有3️⃣件原味梳乎厘，以豆乳醬鋪面，灑滿黃豆粉，再放上一串白玉，旁邊放上黃豆蕨餅、紅豆蓉做伴碟，賣相可愛又岩打卡😍😍😍呢間嘅梳乎厘口感非常鬆軟，又唔會好似食緊空氣咁，而且佢嘅蛋香味超濃，甜度適中🤤豆乳醬呈流心狀態，豆乳味香濃同黃豆粉好夾，食落唔會太漏，份量唔會多到浸濕哂啲梳乎厘，比例岩岩好🤭伴碟方面，黃豆蕨餅煙煙韌韌幾好食，紅豆蓉夠香甜，不過好似同豆乳唔係特別夾，分開食比較岩😆白玉口感硬身少少，配埋豆乳醬食唔錯😗另外有黑糖醬附上，不過👧🏻覺得本身豆乳醬都夠甜唔洗再加黑糖醬都得🤗👧🏻幾中意呢度嘅梳乎厘有唔同配搭好正💯💯💯整體份量唔算多，食完main 再嗌個甜品同朋友/另一半share 就岩岩好🤤下次有機會再試埋其他口味😋🍴香煎紐西蘭肉眼扒配燒汁💰HK$228✨推薦指數：7/10今次嗌咗5️⃣成熟🤗肉眼扒都幾大塊，面頭淋滿燒汁，切開裡面肉質呈粉嫩色，色澤幾均勻 ，食落牛味唔算重，但係肉質上就乾身咗，有啲位置煎過龍外皮硬硬哋咁😕配菜焗得岩岩好，不過油咗少少，👧🏻建議都係食過意粉好啲🤣🍴煙三文魚忌廉貓耳朵套餐💰HK$128✨推薦指數：8/10賣相幾靚，煙三文魚卷成花🌹咁，每隻貓耳朵都掛滿忌廉汁，香濃唔會太膩，口感軟硬適中，配埋蘑菇增加口感😇套餐可以揀餐湯或者沙律，今次揀咗餐湯「南瓜🎃湯」，飲落南瓜味幾香甜，濃稠度唔算好高，再濃啲會更好😆🍴芒果大蝦田園沙律配炒蛋💰HK$98+HK$18✨推薦指數：8/10沙律份量都幾多，大蝦新鮮彈牙，芒果非常香甜，配埋柚子醋酸酸甜甜咁好開胃😋另外加咗炒蛋，賣相幾靚，唔會太熟太乾，蛋味香濃唔會太油😗…查看更多

✿明太子蟹肉扁意粉意粉均勻掛上滿滿明太子忌廉汁,creamy得來又唔會好膩😋🍝散發明太子鹹香及絲絲鮮香蟹肉味道🧡份量略少左D,好食到唔夠喉呀😂😝✿煙三文魚忌廉貓耳朵貓耳朵煙煙韌韌😜煙三文魚捲成玫瑰型態🐟🌺散發淡淡煙燻味💨略嫌配料少左D 較為單一🙈但味道不錯der～✿Tiramisu Soufflé Pancakes 梳乎厘Pancake質感偏向濕潤口感鬆軟動L動L有夠動感！😆食落蛋味濃🥚富有空氣感🫧伴隨仲有Brownies蛋糕碎碎,豐富口感🤪略嫌Tiramisu醬再澎湃D就更好🤓明太子蟹肉扁意粉 $𝟭𝟯𝟴煙三文魚忌廉貓耳朵 $𝟭𝟮𝟴𝗧𝗶𝗿𝗮𝗺𝗶𝘀𝘂 𝗦𝗼𝘂𝗳𝗳𝗹é 𝗣𝗮𝗻𝗰𝗮𝗸𝗲𝘀 $𝟭𝟱𝟴（❁ 設有加一服務費）…查看更多