粵藝館 (海運大廈)

營業中

休息中

老公生日朋友訂坐位請食午餐，原來係新裝修嘅尖沙咀海運嘅中菜廳，準時1330 到達做晒防疫三寶由知客帶位入坐，嘩，竟然係面對維港靚景，雖然唔係假日但係坐無虛設，枱與枱有距離所以好relax, 三五知己嘆茶傾計無得輸。每人一粒鰹魚醉花鮑魚 冷盤 醒醒胃 竟然成隻鮑魚都浸到入晒味，香純嘅花雕酒，鮑魚嘅彈牙，正呀。岩鹽燒腩仔 皮脆肉鹹香 整整齊齊的的骰骰一啖一口，爽呀！避風塘蝦餃 呢道點心第一次食，有驚喜蝦餃皮脆帶微辣，內餡豐富粒粒虾肉還有汁唔乾。鮑魚燒賣 果然成粒鮑魚質地軟淋鮮味，燒賣就用上全瘦肉，所以有點實，味道還可以。香煎蘿蔔糕好香口 條條蘿蔔絲唔會一口粉，好正新年考慮訂佢地年糕，調味準不用加任何醬汁。瓦撐啫啫唐生菜 超惹味 香味撲鼻 喳喳聲 兜兩兜就食得添，有鑊氣。無花果咕嚕肉 唔條菜名我還以為係山渣，原來chef用上無花果嘅香甜，配拉絲咕嚕肉，賣相靚之餘仲要好好味，甜味較酸味偏重，不過視乎個人口味。