影片
更多
2020-06-23
336 瀏覽
前幾日父親節一早book左呢間食椰子雞火鍋，唸住帶爸爸試下新嘢，估唔到就中左伏。以前係深圳都有食過椰子雞火鍋嘅，大陸有個連鎖品牌都幾多分店，叫「四季椰林」，就係專賣椰子雞火鍋，呢間由店名到舖頭裝修...都有幾分相似，相信老闆係想做香港嘅「四季椰林」，但係以咁嘅質素似乎比較難。首先，我就嗌左最貴嘅鍋底——花膠椰子雞鍋。本以為花膠湯點都濃郁小小，好過普通湯，點知見到實物都大跌眼鏡，原來就係清湯入邊落多左幾塊花膠比你，個湯就一d花膠味都冇，同加餸係冇分別，仲要舊花膠未煮得掂，好韌。其次，係我最想投訴嘅嘢，手工丸拼盤，8粒丸盛惠139$價錢唔算低，但質素真係好唔得，味道差就算，竟然有兩粒🦐丸係變左質！我第一啖食已經覺得有酸味，於是叫侍應過來（都擺手示意左幾耐），聞下佢地自己出產嘅蝦丸，未煮嘅丸味道好明顯係已經變壞左，酸味刺鼻。個侍應仲唔認係變質食物...攞左去廚房叫佢地廚師聞，一陣間攞左一粒其他丸代替，全程冇講過一句「sorry」，理直氣壯咁放低就走，完全冇理俾客人食左變質嘅食物有咩問題。我地用餐時間大約是6pm，當時店裡只有幾檯客，完全算不上高峰期，可是全程都沒有侍應主動過來加湯，搞到我地d
以前係深圳都有食過椰子雞火鍋嘅，大陸有個連鎖品牌都幾多分店，叫「四季椰林」，就係專賣椰子雞火鍋，呢間由店名到舖頭裝修...都有幾分相似，相信老闆係想做香港嘅「四季椰林」，但係以咁嘅質素似乎比較難。
首先，我就嗌左最貴嘅鍋底——花膠椰子雞鍋。本以為花膠湯點都濃郁小小，好過普通湯，點知見到實物都大跌眼鏡，原來就係清湯入邊落多左幾塊花膠比你，個湯就一d花膠味都冇，同加餸係冇分別，仲要舊花膠未煮得掂，好韌。
其次，係我最想投訴嘅嘢，手工丸拼盤，8粒丸盛惠139$價錢唔算低，但質素真係好唔得，味道差就算，竟然有兩粒🦐丸係變左質！我第一啖食已經覺得有酸味，於是叫侍應過來（都擺手示意左幾耐），聞下佢地自己出產嘅蝦丸，未煮嘅丸味道好明顯係已經變壞左，酸味刺鼻。個侍應仲唔認係變質食物...攞左去廚房叫佢地廚師聞，一陣間攞左一粒其他丸代替，全程冇講過一句「sorry」，理直氣壯咁放低就走，完全冇理俾客人食左變質嘅食物有咩問題。
我地用餐時間大約是6pm，當時店裡只有幾檯客，完全算不上高峰期，可是全程都沒有侍應主動過來加湯，搞到我地d食物餃子🥟黏在鍋底，真係好唔專業咯。
本身父親節開開心心食餐飯，俾呢間嘢都搞到冇嗮心情，唔會再去。平時我唔係一個鍾意寫食評嘅人，今次真係體驗好差，希望大家引以為戒。
張貼
