阿木台灣麵 (廣華街) (已結業)

聽見收音機電台話呢間台灣麵好多人選擇，今日經過廣華街見到就一於試吓。今晚晚市，大概等咗四張枱15至30分鐘到。一入到去俾個環境嚇親，而家有疫情，但係坐到密密麻麻，手踭撞手踭。應該都已經違反晒疫情條例。叫咗啲大路嘢，紅燒牛肉麵，肉操拌麵，蛋餅。整體來講味道係可以的。有一少少提議就係蛋餅如果能夠煎燶少少個皮就會更加好。因為喺台灣食過燶啲係會香啲。食食吓聽到後邊張枱有個客人細細聲講話枱面好多蟻。立即睇吓自己張枱，發覺放筷子的容器有幾隻買行嚟行去。即刻有啲唔開胃。連我都聽到後邊的客人話螞蟻，我相信在喺個店員都一定聽到，但佢乜嘢都冇做。😔當個環境咁惡劣就算啲嘢食幾好味都冇用。