TERA (形點 I)

營業中

休息中

Yoho Mall呢間日本餐廳🇯🇵嘅甜品幾吸引咁，今日黎試下晚餐！鱸魚配酸菜忌廉汁 $168推薦，鱸魚好嫩而且係魚嘅鮮甜味，連我呢個平時唔太鍾意食魚嘅都愛上左🥰，佢搭配嘅酸菜忌廉汁都好夾，清新輕盈，酸香點到即止、起到提味作用。另外有香軟嘅竹輪、爽口嘅蘆筍、蟹籽同洋蔥。Oreo奶油曲奇窩夫 $108蛋味濃，窩夫口感偏鬆軟輕盈。搭配嘅奶油偏流質帶奶泡🫧，口感fluffy，另外有oreo曲奇🍪、朱古力醬🍫、餅乾碎等，整體味道香甜，但因為口感唔heavy所以唔太膩。柚子瑪德蓮蛋糕 $78有原味、伯爵茶、抹茶同培茶4款口味，我要左伯爵茶。糕體口感軟但唔鬆散，柚子味清淡，伯爵茶粉🫖份量多，配上奶油口感就唔會嗆。座位都ok闊落，佢地仲有好適合打卡嘅榻榻米座位，設計得可以擺埋隻腳入去而唔使屈住對腳，同樣坐得舒服。