影片
更多
2023-07-27
30 瀏覽
位於銅鑼灣既食廈 CUBUS 一向都集中左唔少餐廳，有時同朋友喺銅鑼灣食飯都會喺CUBUS 入面揀餐廳，今次就同朋友嚟到CUBUS入面既花貝 Hanagai 食omakase。花貝有日式tatami 廂房，除左適合慶祝亦增加私隱度，亦可以揀坐吧枱或者正常枱。晚市有兩個menu，omakase ($1488+10%/p.p.)，包括先付、三款刺身、季節料理、一品料理、酢物、壽司八貫、湯、甘味。而另一個menu - 板前omakase ($1888+10%/p.p.)，就包括有三款先付、五款刺身、三款季節料理、椀物、兩款一品料理、壽司十貫、湯、甘味。當晚我同朋友都揀左 omakase ($1488+10%/p.p.) 既menu，首先由蕃茄伴蓴菜揭開序幕。蓴菜滑滑地既質感伴以帶甜既蕃茄都幾開胃。第二道菜就係刺身，一共有三款，分別係真鯛、牡丹蝦同埋赤身。賣相都算精緻。當中真鯛薄切，牡丹蝦質感軟燸，伴以魚子醬，而赤身有兩塊，其中一塊經醬油漬伴以長芋蓉。季節料理就有松葉蟹肉最中餅，以脆身既monaka 夾住啖啖既松葉蟹肉一齊食。一品料理就有吉列鰆魚，配上豬扒醬同埋他他醬，炸得都算脆身而唔油膩。
花貝有日式tatami 廂房，除左適合慶祝亦增加私隱度，亦可以揀坐吧枱或者正常枱。
晚市有兩個menu，omakase ($1488+10%/p.p.)，包括先付、三款刺身、季節料理、一品料理、酢物、壽司八貫、湯、甘味。而另一個menu - 板前omakase ($1888+10%/p.p.)，就包括有三款先付、五款刺身、三款季節料理、椀物、兩款一品料理、壽司十貫、湯、甘味。當晚我同朋友都揀左 omakase ($1488+10%/p.p.) 既menu，首先由蕃茄伴蓴菜揭開序幕。
蓴菜滑滑地既質感伴以帶甜既蕃茄都幾開胃。
第二道菜就係刺身，一共有三款，分別係真鯛、牡丹蝦同埋赤身。賣相都算精緻。當中真鯛薄切，牡丹蝦質感軟燸，伴以魚子醬，而赤身有兩塊，其中一塊經醬油漬伴以長芋蓉。
季節料理就有松葉蟹肉最中餅，以脆身既monaka 夾住啖啖既松葉蟹肉一齊食。
一品料理就有吉列鰆魚，配上豬扒醬同埋他他醬，炸得都算脆身而唔油膩。
酢物就有水母，酸酸地而質感爽口。
然後就開始食壽司。八件壽司分別係粒貝、白蝦、羽太、金目鯛、縞鰺、黑鯥、海膽、網燒大拖羅。粒貝，質感爽口。
白蝦軟燸帶甜。
羽太以柚子胡椒做點綴。
金目鯛，質感同味道都對辦。
縞鰺亦即係深海池魚，肉質細緻。
黑鯥
海膽加左啲岩鹽喺上面，更能帶出海膽既鮮味。
網燒大拖羅有別於一般用火槍燒既拖羅，固然肥美亦帶有油香。
最後就以玉子、魚湯同埋甜品作結。玉子幾好食而且質感唔錯。
魚湯飲落都夠濃郁。
最後又點少得甜品呢？
張貼
