CoCo Espresso (已搬遷) 新店位置

今日全日嘅活動範圍係上環，會接會的，又有文件要趕，連午飯時間都想善用，平時我會窩在某連鎖咖啡店，貪佢有wifi, 地方也寬敞，但老實講佢地啲咖啡麻麻地。醒起信德中心有Coco Espresso, 於是上去看看。可能佢嘅位置係四樓，所以人流較少，上嚟幫趁嘅人都係識途老馬，佢座位唔算多，但中午時間都唔係好多人所以坐得好舒適。我點了份Beef pastrami & pickle bagel加一杯flat white。我其實真係好鍾意食bagel, 佢呢份bagel菜好多， beef slice加pickle豐富得嚟唔會膩。咖啡佢一向好有水準，奶香又滑，但唔會蓋過咖啡味，拉花細緻見底👍因為暫時呢層只有Coco Espresso 一間，隔離左右舖位都未開，所以我一邊坐一邊做野一邊聞著陣陣咖啡香氣，真有點4D嘅效果😏。