616牛肉火鍋專門店 (積富街)

營業中

休息中

下晝同朋友沿着城門河踩單車去到大圍，終於有啲肚餓，所以就求其入咗呢一間616牛肉店，好彩唔使點等，可能係下午茶時段去嘅關係。入邊嘅環境好有趣，係一啲復古，5,60年代的香港，仲有以前嘅海報，播嘅歌都係懷舊老歌，好特別。我哋各人都嗌咗一個午餐套餐，一個係芝士紅燒牛肉麵，芝士嘅味道啱啱好，唔會搶fo，牛肉好林，好似會入口即溶咁。另一個係牛四寶湯飯，用咗牛嘅四個部份組成既一個湯，湯底有少少中藥味，同牛肉味出奇地夾。