花斑茶社 (沙田中心)

營業中

休息中

天時暑熱出街行，唔多唔少都會口痕痕想飲返杯野，而「花斑茶社」一直都係選擇之一。今日路過見到佢試新推出左「完熟蘋果冰茶」同「清爽青葡萄烏龍」，就一於試下個烏龍。烏龍嘅味道十分之濃厚，入口甘香，感覺好解膩。同時間青葡萄味入口清甜而唔會過份搶味，兩者平衡得十分之好。仲有啲細細粒嘅葡萄肉，口感一流好清爽。另外，去親左花斑，我都好鍾意飲佢杯「黑糖珍珠岩鹽厚鮮奶」，佢嘅鮮奶十分濃厚，黑糖珍珠好軟糯而且唔會過甜，加入岩鹽有少少咸味，十分特別，而正正係呢種咸味，令黑糖同鮮奶嘅味道更加突出。