海記合桃坊甜品 (已結業)

我鍾意食甜品，特別係中式嘅甜品，即係糖水。依家係其中一間我認為好出色嘅中式糖水舖， 因為佢嘅糖水唔太甜同足料，而出面食開嘅糖水舖係溝粉再加糖水。但奈何座位比較迫，肥大嬸入去坐有啲尷尬。之前食咗好幾次沙沙合桃糊，今次試新嘢，係芝麻糊。沙沙合桃糊好味在於佢嘅質地好滑，唔算太甜，再加上粒粒嘅碎合桃，撈埋一齊後，口感 又滑又咬口。今次試下芝麻糊，口感同合桃糊一樣，好滑，唔算太甜，但食到燶燶地既味道，應該係炒香嘅黑芝麻味，食到一半，覺得有啲膩，所以要同人分享，下次有機會再試其他中式糖水。