Hungry Monkey (金朝陽中心二期 - Midtown) (已結業)

銅鑼灣食肆選擇多，有時都會頭痛去邊度食好呢！好彩身邊有一位為食達人，今日就提議了去登龍街一間日式料理店。主打燒物。原個蕃茄作為前菜，酸酸咪咪，非常開胃。北寄貝好嫰滑，火喉控制得好，加上蒜香調味，正。夜干雞扒燒得不錯，平時不喜愛食雞皮，皮脆甘香。肉質滑溜。日式炒麵最吸引嘅地方係配菜好多，椰菜，紅蘿蔔……….增加了咀嚼感。炒得乾爽不油膩。牛肉御好燒，口感非常豐富，飽肚感十足。沙律醬，醬油嘅配搭，十分惹味。