增煇大排檔 & 增煇藝廚

營業中

休息中

話說男朋友要去深水埗整車，而我又響附近收工，所以就約左響深水埗食飯。由於都比較夜，加上車友介紹，所以就決定響依間度食。我地3個人叫左個椒鹽鮮魷，豬肚蜆湯，同埋梅菜扣肉。 3個菜都超級出色，難怪得獎又有咁多遊客來食。首先講個豬肚湯，超級足料仲要大份,$160左右夠我地3個人每人飲4碗。而個鮮魷就外脆內爽，能夠味，都係相當出色。不過扣肉就要等得比較耐，黎既時候都已經比較飽。最後要提既就係，雖然d野食好重味，但係之後都唔會覺得渴，所以應該冇乜味精！