鑽石冰室

營業中

休息中

晨早要開會連早餐都食唔到，無奶茶飲成朝瞌眼仲要頭痛。一到中午即刻走去番杯奶茶飲頂癮。早聞呢度D奶茶好正，搭兩個站地鐵都要。中午時份竟然無乜客，差D伙計重多過客。叫番杯奶茶同西炒飯，杯奶茶唔係好熱，不過得好滑，茶同奶恰到好處，飲完全無「鞋」感覺，好正,連頭痛都無埋！一早就知呢度除奶茶外，其他冇乜好食。但係個西炒飯竟然唔錯，炒得唔油又幾多料，喜出望外。