影片
更多
2025-03-16
49 瀏覽
岩岩呢個星期日，我哋嚟到錦上路嘅富來悠閒農莊。農莊前就已經係免費嘅停車場，停車位充足，我哋好快就泊好位。我哋今日嚟到除咗燒嘢食（成人$198，小童$158，開爐費$50一個）之外，仲玩埋佢嘅釣蝦（$50/桿/時），買咗代幣玩小遊戲（$10/5個，$20/10個，$50/30個），同埋買咗一套遊樂套票（$130一套，包兒童電動車一節9 分鐘，兒童遊樂區任玩至七點，撈金魚紙網8個，餵飼動物青草一扎）同小朋友一齊玩。一般既Bbq野食款式都有齊。當中最鍾意食咖喱魷魚，豬肋骨同埋雞翼。職員入場嗰陣會俾埋個錫紙兜你，咁你就可以自己裝想食嘅蔬菜喺入邊燒。職員入場嘅時候會俾埋個燒烤網你。如果你想用燒烤叉嘅形式去燒嘅話，就每支$3。每人包咗一支水及一罐汽水。我哋買左喺釣蝦場釣到嘅蝦燒嚟食（$9一兩）。真係有得玩有得食。大蝦夠晒新鮮，蝦肉爽口彈牙，蝦膏香濃。遊樂套票內既items(包兒童電動車一節9 分鐘，兒童遊樂區任玩至七點，撈金魚紙網8個，餵飼動物青草一扎）,小朋友玩得投入又開心大人們都好貪玩，買咗代幣玩咗好多局射籃球同夾公仔機。無論大人定細路都喺呢度過咗開心嘅一個週末
岩岩呢個星期日，我哋嚟到錦上路嘅富來悠閒農莊。農莊前就已經係免費嘅停車場，停車位充足，我哋好快就泊好位。
我哋今日嚟到除咗燒嘢食（成人$198，小童$158，開爐費$50一個）之外，仲玩埋佢嘅釣蝦（$50/桿/時），買咗代幣玩小遊戲（$10/5個，$20/10個，$50/30個），同埋買咗一套遊樂套票（$130一套，包兒童電動車一節9 分鐘，兒童遊樂區任玩至七點，撈金魚紙網8個，餵飼動物青草一扎）同小朋友一齊玩。
一般既Bbq野食款式都有齊。當中最鍾意食咖喱魷魚，豬肋骨同埋雞翼。職員入場嗰陣會俾埋個錫紙兜你，咁你就可以自己裝想食嘅蔬菜喺入邊燒。職員入場嘅時候會俾埋個燒烤網你。如果你想用燒烤叉嘅形式去燒嘅話，就每支$3。每人包咗一支水及一罐汽水。
我哋買左喺釣蝦場釣到嘅蝦燒嚟食（$9一兩）。真係有得玩有得食。大蝦夠晒新鮮，蝦肉爽口彈牙，蝦膏香濃。
遊樂套票內既items(包兒童電動車一節9 分鐘，兒童遊樂區任玩至七點，撈金魚紙網8個，餵飼動物青草一扎）,小朋友玩得投入又開心
大人們都好貪玩，買咗代幣玩咗好多局射籃球同夾公仔機。
無論大人定細路都喺呢度過咗開心嘅一個週末
張貼
