Espuma (M88)

營業中

休息中

 心血來潮想食啲異國菜, 搵到呢一間位於中環心臟 地帶嘅樓上西班牙菜, 見到食評啲相好似幾靚幾吸引, 就試一試佢虛實。炸唐揚池魚仔率先上枱是炸池魚仔， 熱辣辣外層酥脆， 內裏肉滑， 完全不用吐骨， 剛剛好一啖一條， 方便享用。西班牙辣肉腸番茄煮蜆看似好出奇嘅配搭，但食落完全沒有違和感， 反而辣肉腸的鹹香辣完美配搭蜆的香甜清淡， 配一口蕃茄清湯，絕配。 蒜片炒虎蝦伴辣味香草虎蝦新鮮而且爽口彈牙， 調味帶點辛口再配搭香蒜的香氣， 進一步突顯虎蝦獨有的甘甜。炭燒加拿大天然豬鞍呢個絕對要大讚， 豬鞍肉厚身但係切落去非常順滑易切， 可以想像肉質有幾幼嫩， 難得依然保持油脂濕潤， 加上表層充滿炭燒香， 每一口都滿足。 重口味朱古力窩夫 出於好奇想知重口味有幾重， 結果上枱時全場矚目， 大大的棉花糖下面如寶藏般寶藏着鬆脆 窩夫， 朱古力brownie， 海綿蛋糕， 朱古力雪糕， 朱古力夾心曲奇及 朱古力慕士， 嫌未味夠重口味再有旁邊的朱古力醬。 絕對的打卡之選。