上海婆婆336 (iSQUARE國際廣場)

營業中

休息中

尖沙咀是美食集中地, 各國美食俱備。國際廣場都有幾多食肆選擇, 今晚去上海婆婆336食吓上海菜。座落大型商場, 配套設施方便, 食肆環境比較舒適, 而且上菜都幾有效率。松子魚魚身炸得幾脆, 肉質乾實有嚼勁, 配以甜甜酸酸嘅醬汁和菠蘿粒, 吃起幾開胃, 加上鬆化嘅松子仁, 酥脆甘香。醬燒茄子 茄子口感軟綿綿, 熱辣辣香味濃郁, 醬汁非常惹味, 免治肉吸收醬汁精華, 配飯最合適。黄金炒飯飯粒炒得乾身, 沾滿金黃色鹹蛋黃嘅鹹香, 口感乾爽, 鑊氣唔錯, 加上爽口嘅蝦仁, 提昇層次。南瓜餅 這道甜點是我嘅喜好, 餅身煎得軟糯, 甜度適中, 煎到金黃色嘅南瓜餅, 香甜酥脆, 口感煙韌, 吃多點也不覺肥膩感, 令人回味。