The Bottle & Steak

營業中

休息中

西營盤開左好多餐廳，行入內街成日都會發現到好多特色餐廳。今次呢間餐廳係用啤酒做招徠 佢成幅牆都放滿啤酒，任君選擇。如果你又想飲，但又唔太分啤酒種類，餐廳既職員都好耐心介紹比你架~ 而且佢地唔收加一，所以性價比幾高下架～我地6點鬆d入座，去到7點未夠已經full曬，勸大家book book位先好去啦～挪威三文魚玫瑰（$58）：同出面一般既煙三文魚差唔多，冇乜特別，不過勝在份量都幾多下既墨西哥脆辣雞翼鎚（$68）：呢個雞鎚外脆內軟，好juicy，只有少少辣，d汁啱啱好掛上雞槌，所以冇一般水牛城醬汁咁咸，食得多都唔會膩美國安格斯牛板腱扒（$128）：塊牛扒幾大塊下，佢地preset係5成熟，肉質啱啱好，一d都唔韌，唔點醬汁都好夠肉味。至於個薯條都值得一讚，厚切薯條炸得外脆內軟，好夠香口😋法式油封鴨腿（$128）：隻鴨髀層皮煎得好香脆，我略嫌鴨肉韌左少少Mateus Rosé （$68折）：呢支白酒細細支，啱曬一個人飲，入口好香甜，啱曬女仔飲